ਗੁਰਬਾਣੀ ਨੋ ਗੁਰੂ ਰੂਪ ਜਾਨਣਾ, ਜੀਵਨ ਨੋ ਸਚਿਆਰ ਕਰਨਾ ਅਤੇ ਹੋਰ ਜੀਆਂ ਨਾਲ ਭੀ ਸਾਂਝ ਕਰਨੀ।

ਗੁਰਬਾਣੀ ਦੀ ਸੇਵਾ- ਸਹੀ ਢੰਗ ਨਾਲ ਗੁਰਬਾਣੀ ਉਚਾਰਣ, ਗੁਰਬਾਣੀ ਵਿਆਕਰਣ, ਗੁਰਬਾਣੀ ਦੇ ਸਬਦ ਜੋੜ, ਗੁਰਬਾਣੀ ਦੇ ਸਬਦ ਰੂਪ, ਗੁਰਬਾਣੀ ਸਬਦਾਂ ਦੀ ਉਤਪਤੀ |

ਗੁਰਮੁਖੀ ਲਿਪੀ ਦਾ ਜਨਮ ਅਤੇ ਵਿਕਾਸ- ਗੁਰੂ ਨਾਨਕ ਸਿਖ ਸਭਾ ਗੁਰਮੁਖੀ ਲਿਪੀ ਦੇ ਜਨਮ ਅਤੇ ਵਿਕਾਸ ਲਈ ਬਹੁਤ ਡੂੰਗਾ ਅਧਿਅਨ ਕਰ ਰਹੀ ਹੈ। ਅਸੋਕ ਕਾਲ (੨੦੦-੩੦੦ ਈਸਾ ਪੂਰਬ) ਅਤੇ ਓਸ ਤੋਂ ਭੀ ਪਹਿਲਾਂ ਦੇ ਜੋ ਭੀ ਬੋਲੀ ਨੋ ਲਿਖਣ ਲਈ ਸਾਧਨ ਵਰਤੇ ਜਾਂਦੇ ਸਨ  ਓਹਨਾਂ ਦੀਆਂ ਤਸਵੀਰਾਂ/ਚਿਤਰਾਂ, ਪੁਰਾਤਨ ਗਰੰਥਾਂ, ਤਾਂਬਰ ਪਤਰ ਆਦੀ ਦਾ ਅਧਿਅਨ ਕੀਤਾ ਜਾਂਦਾ ਹੈ ਤਾਂ ਜੋ ਪਤਾ ਲਗ ਸਕੇ ਕਿ ਗੁਰਮੁਖੀ ਲਿਪੀ ਕਿਸ ਤਰਾਂ ਹੋਂਦ ਵਿਚ ਆਈ ਅਤੇ ਇਸ ਵਿਚ ਕਿਵੇਂ ਬਦਲਾਅ ਆਏ।

ਗੁਰਬਾਣੀ-ਚਟਸਾਲ- ਗੁਰੂ ਨਾਨਕ ਸਿਖ ਸਭਾ ਵਲੋਂ ਗੁਰਬਾਣੀ-ਚਟਸਾਲ (School) ਭੀ ਆਰੰਭ ਕੀਤਾ ਜਾਵੇਗਾ ਜਿਥੇ ਅੋਨਲਾਈਨ ਅਤੇ ਸਥਾਨ ਉਪਰ ਭੀ ਪੜਾਇਆ ਜਾਵੇਗਾ।

ਪੁਰਾਤਨ ਹਥਲਿਖਤ ਪੋਥੀਆਂ ਦੀ ਸੰਭਾਲ ਕਰਨੀ- ਗੁਰੂ ਨਾਨਕ ਸਿਖ ਸਭਾ ਦੇ ਸਥਾਨ ਉਤੇ ਇਕ ਪੁਸਤਕਾਲਿਆ (Library) ਭੀ ਬਣਾਇਆ ਜਾਵੇਗਾ ਜਿਸ ਵਿਚ ਪੁਰਾਤਨ ਪੋਥੀਆਂ, ਗਰੰਥ ਅਤੇ ਹੋਰ ਕੀਮਤੀ ਕਿਤਾਬਾਂ ਦੀ ਸਾਂਭ-ਸੰਭਾਲ ਕੀਤੀ ਜਾਵੇਗੀ।

ਗੁਰਬਾਣੀ ਅਜਾਇਬ ਘਰ ਸਥਾਪਤ ਕਰਨਾ- ਗੁਰੂ ਨਾਨਕ ਸਿਖ ਸਭਾ ਦੇ ਸਥਾਨ ਉਤੇ ਇਕ ਗੁਰਬਾਣੀ ਅਜਾਇਬ ਘਰ ਭੀ ਬਣਾਇਆ ਜਾਵੇਗਾ ਜਿਥੇ ਗੁਰਬਾਣੀ ਵਿਚ ਆਈਆਂ ਵਸਤਾਂ ਜੋ ਅਜ ਅਲੋਪ ਹੋ ਰਹੀਆਂ ਹਨ, ਜਿਵੇਂ- ਚਰਖਾ, ਹਲ, ਹਰਟ, ਕੋਹਲੂ ਆਦੀ ਨੋ ਅਜਾਇਬ ਘਰ ਵਿਚ ਲਿਆ ਕੇ ਰਖਿਆ ਜਾਵੇਗਾ ਤਾਂ ਜੋ ਅਗਲੀਆਂ ਪੀੜੀਆਂ ਨੋ ਇਹਨਾਂ ਤੋਂ ਜਾਣੂ ਕਰਵਾਇਆ ਜਾ ਸਕੇ।

ਇਹ ਸਾਰੀਆਂ ਸੇਵਾਵਾਂ ਗੁਰੂ ਨਾਨਕ ਸਿਖ ਸਭਾ ਦੇ ਗੁਰਸਿਖ ਸੇਵਕਾਂ ਦੇ ਤਨ ਅਤੇ ਧਨ ਦੇ ਦਸਵੰਧ ਨਾਲ ਹੋ ਰਹੀਆਂ ਹਨ। ਕਿਸੇ ਭੀ ਮਨਮਤੀ ਸਭਾ, ਭੇਖ-ਪੁਜਾਰੀ, ਮਸਂਦ-ਮਸਂਦੀਏ ਨਾਲ ਅਸਾਡਾ ਕੋਈ ਭੀ ਮੇਲ ਮਿਲਾਪ ਨਹੀਂ ਹੈ, ਗੁਰੂ ਨਾਨਕ ਸਿਖ ਸਭਾ ਦਾ ਸੀਸ ਕੇਵਲ ਤਾਂ ਕੇਵਲ ਗੁਰਬਾਣੀ (ੴ……..ਤਨੁ ਮਨੁ ਥੀਵੈ ਹਰਿਆ ॥) ਅਗੇ ਝੁਕਦਾ ਹੈ।

ਦਾਸਿਨਦਾਸ- ਗੁਰੂ ਨਾਨਕ ਸਿਖ ਸਭਾ (ਇੰਕ) 

ਪਤਾ- GNSS@GurooNaanakSikhSabhaa.com